من بقايا نظام مبارك..داخل على الثمانين سنة.. نزل الميدان أيام التحرير عشان يتصور مع الدبابة مش أكتر.. أبعد ما يكون عن الثورية.. مصاب بداء الترشح اللا إرادى ..إبتدى الحملة بتاعته يوم 11 فبراير 2011 الساعة سابعة بليل ومن ساعتها ما بيهمدش .. أكتر مرشح لف فى البلد..
سياسى محنك وقديم لا يفهم فى السياسة.. دبلوماسى.. يعنى حا يسرقك وإنت مبسوط وبتصقف كمان.. ما عندوش أى أيديولوجية واضحة.. يعنى لا تعرف هو رأسمالى ولا يسارى ولا إسلامى.. إنجازاته صفر..بل جميع المصايب اللى حصلت فى مصر مثل "مشكلة مياه النيل " حصلت وهو فى منصب وزير الخارجية ..وجميع المصايب اللى حصلت للدول العربية مثل "غزو العراق وضرب ليبيا بطيران الناتو" . حصلت وهو فى منصب أمين عام جامعة الدول العربية..
كان ممكن يكون المرشح التوافقى بس ما حدش لغاية دلوقتى عارف ياخد منه حق ولا باطل.. حتى المجلس العسكرى شكله رمى طوبته من كتر ما بيلاوعهم فى الكلام.. لو واقف تحت البيت عندك وسئلته سؤال ممكن يتوهك لدرجة إنك ما تعرفش تروح.. يعشق كاميرات التليفزيون والكلام بقنزحة ..
حيفوز فى الإنتخابات بدون تزوير.. لإنه حياخد جميع أصوات الشعب المغيب الجاهل
No comments:
Post a Comment